بیت المقدس (شِنہوا) اسرائیلی فوج نے پیر کے روز کہا ہے کہ اس نے ایران میں تزویراتی فضائی دفاعی نظاموں پر بڑے پیمانے پر حملہ مکمل کر لیا ہے جو اپریل میں ہونے والی جنگ بندی کے بعد دونوں ممالک کے درمیان سب سے سنگین کشیدگی ہے۔
فوج کے مطابق اسرائیلی فضائیہ کے درجنوں جنگی طیاروں نے اس حملے میں حصہ لیا۔ بیان میں کہا گیا ہے کہ ان حملوں کا ہدف وہ دفاعی نظام تھے جو 28 فروری کو امریکہ اور اسرائیل کے مشترکہ حملے کے دوران “تباہ” کئے گئے تھے اور جنہیں ایران نے حال ہی میں دوبارہ مختلف علاقوں میں تعینات کیا تھا تاکہ اپنی نگرانی اور دفاعی صلاحیتوں کو بحال کیا جا سکے۔
یہ کشیدگی ایسے وقت میں سامنے آئی ہے جب امریکہ اور ایران کے درمیان مذاکرات جاری تھے۔ اس سے قبل اتوار کے روز اسرائیل نے لبنان کے دارالحکومت بیروت میں فضائی حملے کئے تھے جن میں کم از کم دو افراد جاں بحق ہوئے۔ اس کے جواب میں ایران نے میزائلوں کی بارش کی اور پیر کی صبح اسرائیل نے بھی جوابی کارروائی کرتے ہوئے مغربی اور وسطی ایران میں اہداف کو نشانہ بنایا۔