لندن (نیشنل ٹائمز)امریکا اور ایران کے درمیان ممکنہ امن معاہدے کی امید اور مصنوعی ذہانت کے شعبے میں تیزی کے باعث عالمی سٹاک مارکیٹوں میں مثبت رجحان دیکھنے میں آیا، جبکہ تیل کی قیمتوں میں معمولی کمی ریکارڈ کی گئی۔

برینٹ نارتھ سی کروڈ کی قیمت صفر اعشاریہ3فیصد کمی سے 94اعشاریہ70ڈالر فی بیرل جبکہ ویسٹ ٹیکساس انٹرمیڈیٹ صفر اعشاریہ 6فیصد سستا ہو کر91اعشاریہ64 ڈالر فی بیرل کا ہو گیا۔ وال سٹریٹ کے اہم اشاریے ڈاؤ جونز اور ایس اینڈ پی 500 نئی بلند ترین سطح پر پہنچ گئے ۔ اینویڈیا، الفابیٹ اور اینتھروپک کی سرمایہ کاری اور توسیعی منصوبوں نے ٹیکنالوجی شعبے میں نئی جان ڈال دی۔ واضح رہے امریکی صدر نے دعویٰ کیا ہے کہ ایران کے ساتھ مذاکرات تیزی سے آگے بڑھ رہے ہیں، جس سے سرمایہ کاروں کے خدشات کم ہوئے ۔