ہوہوت (شِنہوا) چین اور منگولیا نے شمالی چین کے اندرونی منگولیا میں “اسٹیپ پارٹنر 2026” کے کوڈ نیم سے ایک مشترکہ فوجی تربیتی مشق کا آغاز کر دیا ہے۔
اس تربیت کا بنیادی مرکز غیر قانونی مسلح گروہوں کے خلاف کارروائیاں کرنا ہے۔ اس کا مقصد دونوں ممالک کے درمیان دوستی اور باہمی اعتماد کو گہرا کرنا، عملی تعاون کو بڑھانا اور علاقائی امن و استحکام کو برقرار رکھنے کے لئے دونوں اطراف کی صلاحیتوں کو مضبوط بنانا ہے۔
تربیت کے دوران دونوں فریق ایک مشترکہ کمانڈ سٹرکچر قائم کریں گے اور فرضی جنگی حالات میں مشترکہ کمانڈ اور مربوط سٹرائیک آپریشنز سے متعلق مشقیں کریں گے۔
افتتاحی تقریب میں چین اور منگولیا کے 600 سے زائد افسران اور جوانوں نے شرکت کی۔ دونوں افواج کے درمیان اس مشترکہ تربیتی سلسلے کی یہ دوسری مشق ہے۔