ہانگ کانگ (شِنہوا) ہانگ کانگ خصوصی انتظامی خطے (ایچ کے ایس اے آر) کے چیف ایگزیکٹو جان لی نے لی جیا ینگ جنہیں کینٹونیز بولی میں لائی کا- ینگ کہا جاتا ہے، کو قومی خلائی مشن میں شامل ہونے والی شہر کی پہلی خلانورد بننے پر مبارکباد دی اور ان کی اس تاریخی کامیابی پر فخر کا اظہار کیا۔
سوشل میڈیا پر جاری ایک پوسٹ کے مطابق جان لی نے ہانگ کانگ حکومت کے دو سینئر حکام کے ہمراہ حال ہی میں شین ژو-23 انسان بردار خلائی مشن کی روانگی سے قبل لائی کا-ینگ کے ساتھ ویڈیو کال پر گفتگو کی۔
اس کال کے دوران لی نے لائی کے ٹریننگ سنٹر میں گزرنے والے وقت اور زندگی کے بارے میں معلومات حاصل کیں اور ان کے خلائی مشن کی کامیابی کے لئے نیک خواہشات کا اظہار کیا۔
سوشل میڈیا پوسٹ کے مطابق لائی نے سخت ترین تربیت کا اعتراف کرتے ہوئے اس عزم کا اظہار کیا کہ وہ خلائی پرواز کو کامیابی سے مکمل کرنے کے لئے اپنی پوری کوشش کریں گی۔
چین کے انسان بردار خلائی ادارے نے ہفتے کے روز اعلان کیا تھا کہ ہانگ کانگ سے تعلق رکھنے والی پہلی نورد لائی کا-ینگ کو شین ژو-23 انسان بردار خلائی مشن کے لئے بطور پیک لوڈ سپیشلسٹ منتخب کر لیا گیا ہے۔