تائی یوآن(شِنہوا) چین کے شمالی صوبہ شنشی میں کوئلے کی کان میں حادثے کے باعث 82 افراد ہلاک ہو گئے جبکہ مزید 9 افراد اب بھی کان میں پھنسے ہوئے ہیں۔
گیس دھماکہ جمعہ کے روز لیو شین یو کوئلے کی کان میں پیش آیا۔ صوبے نے امدادی اور طبی عملے سمیت مجموعی طور پر 755 افراد کو جائے وقوعہ پر بھیجا ہے اور امدادی کارروائیاں جاری ہیں۔
مجموعی طور پر 123 افراد کو علاج کے لئے ہسپتال منتقل کیا گیا ہے جن میں 2 کی حالت تشویشناک اور 2 کی حالت نازک ہے جبکہ 33 افراد علاج کے بعد گھر واپس جا چکے ہیں۔
دفتر کے مطابق متاثرہ کان سے متعلق کمپنی کے ذمہ دار افراد کو قانون کے مطابق حراست میں لے لیا گیا ہے۔