بیجنگ (شِنہوا) چینی وزیرِاعظم لی چھیانگ کی دعوت پر پاکستان کے وزیراعظم شہباز شریف 23 سے 26 مئی تک چین کا سرکاری دورہ کریں گے۔لاہور میں 1951 میں پیدا ہونے والے شہباز شریف، سابق پاکستانی وزیراعظم نواز شریف کے چھوٹے بھائی ہیں۔ وہ 1988 سے اب تک 3 بار پنجاب اسمبلی کے رکن منتخب ہو چکے ہیں جبکہ 1990 میں وہ پہلی مرتبہ قومی اسمبلی کے رکن منتخب ہوئے تھے۔انہوں نے طویل عرصہ صوبہ پنجاب پر حکمرانی کی اور 1997، 2008 اور 2013 میں وزیراعلیٰ پنجاب منتخب ہوئے۔ مارچ 2018 میں انہیں پاکستان مسلم لیگ (ن) کا صدر منتخب کیا گیا اور اگست 2018 میں وہ قومی اسمبلی میں قائد حزب اختلاف بن گئے۔اپریل 2022 میں انہوں نے پاکستان کے 23 ویں وزیراعظم کے طور پر حلف اٹھایا اور اگست 2023 تک اس عہدے پر فائز رہے۔ 4 مارچ 2024 کو انہوں نے ملک کے 24 ویں وزیراعظم کے طور پر دوبارہ حلف اٹھایا۔وہ چین کے ساتھ دوستانہ تعلقات کے حامی سمجھے جاتے ہیں اور کئی مرتبہ چین کا دورہ کر چکے ہیں۔شہباز شریف شادی شدہ ہیں، ان کے 2بیٹے اور 2 بیٹیاں ہیں۔