یروشلم (شِنہوا) ایران کے ساتھ حالیہ جنگ کے دوران اسرائیلی فوجی سربراہ ایال ضمیر اور دیگر اعلیٰ افسران نے خفیہ طور پر متحدہ عرب امارات کا دورہ کیا۔
اسرائیل کے سرکاری ٹی وی چینل کان نیوز نے بتایا کہ اپنے دورے میں ایال ضمیر نے یو اے ای کے صدر شیخ محمد بن زاید النہیان اور اعلیٰ سکیورٹی حکام سے ملاقاتیں کیں۔
ٹی وی چینل نے جنگ کے دوران اس دورے کی قطعی تاریخ نہیں بتائی۔ یاد رہے کہ یہ جنگ 28 فروری کو چھڑی تھی اور 8 اپریل کو جنگ بندی ہونے تک جاری رہی۔
اس سے قبل اسرائیلی وزیرِ اعظم بنیامین نیتن یاہو کے دفتر نے بھی یہ اعلان کیا کہ نیتن یاہو نے جنگ کے دوران یو اے ای کا خفیہ دورہ کیا تھا اور اماراتی صدر سے ملاقات کی تھی۔
تاہم متحدہ عرب امارات کی وزارت خارجہ نے نیتن یاہو کے اس دورے کی تردید کی۔
گزشتہ میڈیا رپورٹس میں یہ بھی بتایا گیا تھا کہ اسرائیل کی انٹیلی جنس ایجنسی موساد کے چیف ڈیوڈ بارنیا اور داخلی سکیورٹی کے ادارے شن بیت کے سربراہ ڈیوڈ زینی نے بھی جنگ کے دوران یو اے ای کے خفیہ دورے کئے تھے۔
کان ٹی وی نے واضح کیا کہ یہ دورے اسرائیل اور متحدہ عرب امارات کے درمیان تعلقات کے مضبوط ہونے کی نشاندہی کرتے ہیں۔