واشنگٹن (شِنہوا) امریکی صدر ڈونلڈ ٹرمپ نے کہا کہ داعش کے عالمی سطح پر دوسرے بڑے کمانڈر ابو بلال المنوکی کو امریکی اور نائیجیرین افواج نے ہلاک کر دیا ہے۔
ٹرمپ نے ٹروتھ سوشل پر ایک پوسٹ میں کہا کہ “داعش کے عالمی سطح پر دوسرے نمبر کے کمانڈر ابو بلال المنوکی نے سمجھا کہ وہ افریقہ میں چھپ سکتا ہے، لیکن اسے یہ معلوم نہیں تھا کہ ہمارے پاس ایسے ذرائع موجود تھے جو ہمیں اس کی سرگرمیوں سے مسلسل آگاہ رکھتے تھے۔”
ٹرمپ نے کہا کہ “وہ اب افریقہ کے لوگوں میں دہشت پھیلانے یا امریکیوں کو نشانہ بنانے کے لئے کارروائیوں کی منصوبہ بندی میں مدد نہیں کر سکے گا۔” انہوں نے مزید کہا کہ “اس کے خاتمے کے بعد داعش کی عالمی کارروائیاں بہت حد تک کمزور ہو گئی ہیں۔”
ٹرمپ نے اس کارروائی میں تعاون پر نائیجیریا کی حکومت کا شکریہ بھی ادا کیا۔