بیجنگ (شِنہوا) چین میں نئی توانائی گاڑیوں (این ای ویز) کی پیداوار اور فروخت میں اپریل کے دوران گزشتہ سال کے مقابلے میں اضافہ ریکارڈ کیا گیا ہے۔
چائنہ ایسوسی ایشن آف آٹوموبائل مینوفیکچررز (سی اے اے ایم) کے مطابق نئی توانائی گاڑیوں کی پیداوار گزشتہ سال کے مقابلے میں 5.5 فیصد بڑھ کر 13 لاکھ 20 ہزار یونٹس تک پہنچ گئی جبکہ فروخت 9.7 فیصد اضافے کے ساتھ 13 لاکھ 40 ہزار یونٹس رہی۔
اعداد و شمار کے مطابق اپریل میں فروخت ہونے والی نئی گاڑیوں میں نئی توانائی گاڑیوں کا حصہ 53.2 فیصد رہا۔
سال کے پہلے 4 ماہ کے دوران چین میں گاڑیوں کی مجموعی پیداوار اور فروخت بالترتیب 96 لاکھ 10 ہزار اور 95 لاکھ 70 ہزار یونٹس رہی۔ اس عرصے میں نئی توانائی گاڑیوں کی پیداوار 42 لاکھ 90 ہزار جبکہ فروخت 43 لاکھ یونٹس تک پہنچ گئی۔
جنوری سے اپریل کے دوران چین کی گاڑیوں کی برآمدات میں پچھلے سال کے مقابلے میں 61.5 فیصد اضافہ ہوا اور یہ 31 لاکھ 30 ہزار یونٹس تک پہنچ گئیں جبکہ نئی توانائی گاڑیوں کی برآمدات 120 فیصد اضافے کے ساتھ 13 لاکھ 80 ہزار یونٹس رہیں۔
سی اے اے ایم کے نائب سیکرٹری جنرل چھن شی ہوا نے کہا کہ اگرچہ اپریل میں گاڑیوں کی پیداوار اور فروخت میں گزشتہ سال سے معمولی کمی دیکھی گئی تاہم پہلے 4 ماہ کی مجموعی کمی مزید کم ہو گئی ہے۔