بیجنگ (شِنہوا)چینی وزارت خارجہ نے کہا ہے کہ چینی صدر شی جن پھنگ اور امریکی صدر ڈونلڈ ٹرمپ چین-امریکہ تعلقات، عالمی امن اور ترقی سے متعلق اہم امور پر تفصیلی تبادلہ خیال کریں گے۔
وزارت خارجہ کے ترجمان گو جیاکن نے ان خیالات کا اظہار پیر کے روز معمول کی ایک نیوز بریفنگ کے دوران ٹرمپ کے آمدہ دورہ چین کے بارے میں پوچھے گئے سوال کے جواب میں کیا۔ یہ دورہ 13 سے 15 مئی تک شیڈول ہے جو گزشتہ 9 سال میں کسی بھی امریکی صدر کا چین کا پہلا دورہ ہوگا۔
گو نے کہا کہ چین برابری، احترام اور باہمی فائدے کے جذبے کے تحت امریکہ کے ساتھ مل کر کام کرنے، تعاون کو وسعت دینے، اختلافات کو سنبھالنے اور اس ہنگامہ خیز اور بدلتی ہوئی دنیا میں مزید استحکام اور یقین پیدا کرنےکے لئے تیار ہے۔