اسلام آباد(نیشنل ٹائمز) نائب وزیراعظم اسحاق ڈار نے کہا ہے کہ آج ہم معرکہ حق کی پہلی سالگرہ منا رہے ہیں، عوام ، افواج کے بہادر افسروں اور جوانوں کو سلام پیش کرتا ہوں۔
معرکہ حق کو ایک سال مکمل ہونے پر نائب وزیراعظم اسحاق ڈار نے کہا کہ فیلڈمارشل کی قیادت میں افواج نےدشمن کوفیصلہ کن جواب دیا، پاکستانی قوم کو متحد ہونے پر شاندار الفاظ میں خراج تحسین پیش کرتا ہوں۔
اسحاق ڈار نے مزید کہا کہ بھارتی جنگی طیاروں سمیت مختلف عسکری اہداف کونشانہ بنایا، فعال سفارتکاری سےدنیا میں پاکستان کا بھرپورمؤقف پیش کیا، معرکہ حق میں قوم کا اتحاد ہماری سب سے بڑی طاقت ثابت ہوا۔
انہوں نے واضح کیا کہ مسئلہ کشمیر کا حل اقوام متحدہ کی قراردادوں کےمطابق ہونا چاہئے، کشمیرسمیت بنیادی تنازعات کےحل کےبغیرجنوبی ایشیامیں امن ممکن نہیں۔
نائب وزیراعظم نے کہا کہ پاکستان اپنی سالمیت پرسمجھوتہ نہیں کرے گا، ہرجارحیت کاجواب پوری قوت سےدیا جائےگا، پاکستان معیشت،تعلیم سمیت دیگرشعبوں میں بھی مضبوط ہوگا۔
اسحاق ڈار نے کہا کہ پاکستان خطے میں امن کےفروغ کیلئےبھرپورکرداراداکررہا ہے۔
