اسلام آباد (نیشنل ٹائمز) نسدادِ پولیو پروگرام (PEI) کے مطابق ملک بھر میں سال 2026 کی انسدادِ پولیو مہم میں 4 کروڑ 48 لاکھ سے زائد بچوں کو پولیو سے بچاؤ کے قطرے پلائے گئے ۔

مہم پاکستان میں پولیو وائرس کی منتقلی کے خاتمے کی جانب ایک اہم پیش رفت ثابت ہوئی، جس میں وفاقی اور صوبائی سطح پر مؤثر ہم آہنگی کے ذریعے ویکسینیشن ٹیموں نے ملک بھر میں 99 فیصد گھروں تک رسائی حاصل کی، جن میں دور دراز اور زیادہ خطرے والے علاقے بھی شامل ہیں۔ملک بھر میں بچوں کو گھر گھر ویکسین فراہم کرنے کے لیے 4 لاکھ سے زائد فرنٹ لائن ورکرز کو متحرک کیا گیا، پنجاب میں 2 کروڑ 30 لاکھ سے زائد بچوں، سندھ میں 1 کروڑ 4 لاکھ سے زائد بچوں، خیبر پختونخوا میں 72 لاکھ 35 ہزار سے زائد بچوں اور بلوچستان میں 26 لاکھ 21 ہزار سے زائد بچوں کو ویکسین دی گئی۔ اسلام آباد میں 4 لاکھ 41 ہزار، گلگت بلتستان میں 2 لاکھ 92 ہزار جبکہ آزاد جموں و کشمیر میں 7 لاکھ 17 ہزار بچوں کو قطرے پلائے گئے ،کمیونٹی کی قبولیت میں مسلسل بہتری دیکھنے میں آئی ہے ، جبکہ انکار کی شرح 0.15 فیصد سے کم رہی، جو عوامی اعتماد میں اضافے ، خاندانوں اور مقامی رہنماؤں کے ساتھ مسلسل رابطے کی عکاسی کرتی ہے ۔