اسلام آباد(نیشنل ٹائمز)امریکا کے نائب صدر جے ڈی وینس کا کہنا ہے کہ امریکا نے ایران کو اپنی بہترین اور آخری پیشکش پیش کر دی ہے تاہم اس کے بعد یہ اطلاعات سامنے آئی ہیں کہ امریکا اور ایران کے درمیان بالواسطہ بات چیت پاکستان کے ذریعے جاری رہی تاہم اس کی نہ تو امریکی حکام نے باضابطہ تصدیق کی ہے اور نہ ہی ایرانیوں نے ۔
ماضی کی طرح اس بار بھی ثالثوں کے ذریعے ہونے والی گفتگو کی نوعیت کو سمجھنا مشکل ہے ۔بی بی سی کی اسلام آباد میں نمائندہ آزادہ موشیری کے تجرئیے کے مطابق صورتحال سے یہ اشارہ ملتا ہے کہ مصالحت اور پسِ پردہ رابطوں کے دروازے مکمل طور پر بند نہیں ہوئے ۔یہ صورتحال اس حقیقت کی بھی یاد دہانی ہے کہ دونوں فریق اپنے اپنے عوام کے سامنے جو بیانیہ پیش کر رہے ہیں، اس میں حقیقت اور سیاسی تاثر کو الگ کرنا کتنا مشکل ہے ۔