گلگت (نیشنل ٹائمز) الیکشن کمیشن گلگت بلتستان نے آئندہ عام انتخابات کے شیڈول کا باضابطہ اعلان کرتے ہوئے بتایا ہے کہ گلگت بلتستان اسمبلی کے انتخابات کے لیے پولنگ اتوار 7 جون 2026 کو ہوگی۔

جاری کردہ نوٹیفکیشن کے مطابق یہ اعلان الیکشنز ایکٹ 2017 کی دفعہ 57(1) کے تحت حاصل اختیارات کو استعمال کرتے ہوئے کیا گیا۔ چیف الیکشن کمشنر راجہ شہباز خان نے پولنگ ڈے کی منظوری دی۔

اعلامیے میں مزید بتایا گیا کہ انتخابات کی تاریخ کا تعین گورنمنٹ آف گلگت بلتستان آرڈر 2018 کے آرٹیکل 48(1)(a) کے تحت کیا گیا ہے، جو اسمبلی کے عام انتخابات کے انعقاد کے لیے تاریخ مقرر کرنے کا اختیار دیتا ہے۔

نوٹیفکیشن کی نقل پاکستان پریس پرنٹنگ کارپوریشن اسلام آباد کو بھی ارسال کر دی گئی ہے تاکہ اسے سرکاری گزٹ میں شائع کیا جا سکے، جبکہ متعلقہ وفاقی و علاقائی اداروں کو بھی آگاہ کر دیا گیا ہے۔