بیجنگ (شِنہوا) چین کے مرکزی بینک نے اعلان کیا ہے کہ اس نے ڈیجیٹل یوآن آپریشنز کے لئے مجاز اداروں کی فہرست میں 12 بینک مزید شامل کر دیئے ہیں۔
پیپلز بینک آف چائنہ کے مطابق اس اقدام کا مقصد ڈیجیٹل کرنسی کی مستحکم ترقی کو فروغ دینا، اس کی خدمات کی جامعیت کو بہتر بنانا اور عوامی مطالبے کے مطابق محفوظ، آسان اور موثر ڈیجیٹل یوآن خدمات فراہم کرنا ہے۔
نئے شامل ہونے والے آپریٹرز میں چائنہ سی آئی ٹی آئی سی بینک، چائنہ ایور برائٹ بینک اور ہواشیا بینک شامل ہیں جو مرکزی بینک کے ڈیجیٹل یوآن سسٹم سے منسلک ہوں گے۔
یہ بینک اپنی آپریشنل اور تکنیکی تیاری مکمل کرنے کے بعد ڈیجیٹل یوآن کی خدمات فراہم کرنا شروع کریں گے۔
مرکزی بینک نے کہا کہ وہ آپریٹرز کی تعداد میں اضافہ جاری رکھے گا تاکہ مارکیٹ میں وسیع تر شمولیت کی حوصلہ افزائی ہو اور اختراع کو معاونت حاصل ہو۔
اس توسیع سے قبل ڈیجیٹل یوآن کے لئے 10 مجاز آپریٹرز تھے جن میں 6 سرکاری ملکیت والے تجارتی بینک، 2 مشترکہ سٹاک تجارتی بینک اور 2 انٹرنیٹ بینک شامل تھے۔