حیدرآباد (نیشنل ٹائمز)بھارتی پولیس نے حیدرآباد شہر کے ایک قبرستان میں چھپائے گئے 414گھریلو گیس سلنڈرز برآمد کرتے ہوئے 10 ملزموں گرفتار کرلیا جن پر الزام ہے کہ وہ ایران کی جنگ کی وجہ سے پیدا ہونے والی قلت کے دوران انہیں بلیک مارکیٹ میں فروخت کرنے کی کوشش کر رہے تھے ۔۔متعلقہ ڈسٹری بیوٹر کو بھی معطل کر دیا گیا ۔سرکاری اہلکار کے مطابق گزشتہ روز مجموعی طورپر 2600 چھاپے مارے گئے اور تقریباً 700 سلنڈرز ضبط کیے گئے ۔پولیس کے مطابق ملزمان قبرستان سے کمرشل و گھریلو سلنڈر تین گنا مہنگے بیچ رہے تھے ۔2100بھارتی روپے کا کمرشل سلنڈر 6ہزار تک میں فروخت کیا گیا۔