بیجنگ (شِنہوا) چینی وزیر خارجہ وانگ یی نے پیر کے روز یوم پاکستان پر مبارکباد پیش کی ہے۔
کمیونسٹ پارٹی آف چائنہ کی مرکزی کمیٹی کے سیاسی بیورو کے رکن وانگ یی نے نائب وزیراعظم اور وزیر خارجہ محمد اسحاق ڈار کو بھیجے گئے ایک تہنیتی پیغام میں کہاہے کہ گزشتہ برسوں کے دوران حکومت پاکستان اور عوام نے مختلف خطرات اور چیلنجز پر قابو پایا، معاشی و سماجی ترقی حاصل کی اور بین الاقوامی و علاقائی امور میں تیزی سے بڑھتا ہوا اہم کردار ادا کیا ہے۔
چونکہ یہ سال چین اور پاکستان کے درمیان سفارتی تعلقات کے قیام کی 75 ویں سالگرہ کا سال ہے، اس لئے وانگ یی نے اس عزم کا اظہار کیا کہ وہ اسحاق ڈار کے ساتھ مل کر دونوں ممالک کے رہنماؤں کے درمیان طے پانے والے اہم اتفاق رائے پر عملدرآمد کرنے کے لئے تیار ہیں۔ انہوں نے مزید کہا کہ وہ چین اور پاکستان کے درمیان تعاون پر مبنی سدا بہار تزویراتی شراکت داری کو مزید گہرا کرنا چاہتے ہیں تاکہ نئے دور میں مشترکہ مستقبل کی حامل مزید قریبی چین-پاکستان کمیونٹی کی تعمیر کو تیز کرنے میں اپنا کردار ادا کر سکیں۔