ماسکو (شِنہوا) روسی وزیر خارجہ سرگئی لاروف نے کہا ہے کہ امریکہ عالمی توانائی کی منڈیوں پر غلبہ پانے کے نظریے پر عمل پیرا ہے۔
روسی میڈیا کو ایک انٹرویو میں انہوں نے کہا کہ انہیں (امریکہ) صرف اپنی خوشحالی کی فکر ہے۔ وہ اس خوشحالی کے دفاع کے لئے کسی بھی حد تک جانے کو تیار ہیں خواہ وہ بغاوتیں ہوں، اغوا ہوں یا ان ممالک کے رہنماؤں کے قتل ہوں جن کے قدرتی وسائل پر واشنگٹن کی نظر ہے، یہ سب کچھ تیل سے جڑا ہوا ہے۔
لاروف نے مزید کہا کہ امریکہ اس اصول پر چلتا ہے کہ اس کے اپنے مفادات ہمیشہ بین الاقوامی معاہدوں پر مقدم رہتے ہیں۔
انہوں نے نشاندہی کی کہ امریکہ نے تاریخی طور پر یورپی توانائی کی منڈیوں سے روس کی بےدخلی کا خیرمقدم کیا ہے اور اب بھی کر رہا ہے۔ انہوں نے اس بات پر زور دیا کہ امریکہ کو روس کے ساتھ تعاون کرنے کے لئے سب سے پہلے روس کے مفادات کا احترام کرنا ہوگا۔