واشنگٹن (نیشنل ٹائمز) امریکا کی ڈائریکٹر نیشنل انٹیلیجنس تلسی گبارڈ نے کہا ہے کہ پاکستان کے پاس ممکنہ طور پر ایسے میزائل موجود ہو سکتے ہیں جو امریکا تک ہدف کو نشانہ بنانے کی صلاحیت رکھتے ہوں۔

امریکی سینیٹ کمیٹی میں ہونے والی سماعت کے دوران تلسی گبارڈ کا کہنا تھا کہ پاکستان کے طویل فاصلے تک مار کرنے والے میزائل پروگرام میں ایسے بین البراعظمی بیلسٹک میزائل شامل ہو سکتے ہیں جو امریکا تک پہنچنے کی صلاحیت رکھتے ہوں۔

انہوں نے کہا کہ پاکستان کے علاوہ روس، چین، شمالی کوریا اور ایران بھی ایسے جدید میزائلوں پر کام کر رہے ہیں جو جوہری اور روایتی ہتھیار لے جانے کی صلاحیت رکھتے ہیں اور امریکا کو نشانہ بنا سکتے ہیں۔

تلسی گبارڈ کے مطابق یہ پیش رفت امریکا کے لیے سکیورٹی چیلنجز میں اضافے کا سبب بن سکتی ہے۔