اقوام متحدہ (شِنہوا) اقوام متحدہ کی ویب سائٹ پر شائع کی جانے والی دستاویزات کے مطابق اقوام متحدہ کے نئے سیکرٹری جنرل کے عہدے کے لئے پانچویں امیدوار کو بھی نامزد کر دیا گیا ہے۔
اقوام متحدہ کی جنرل اسمبلی (یو این جی اے) کی صدر اینا لینا بائیربوک اور مارچ کے لئے اقوام متحدہ کی سلامتی کونسل کے صدر مچل والٹز کے دستخط شدہ مشترکہ خط کے مطابق جمہوریہ مالدیپ نے اقوام متحدہ کی سابق انڈر سیکرٹری جنرل ورجینیا گامبا کو عالمی ادارے کے سربراہ کے عہدے کے لئے نامزد کیا ہے۔
ان کے پیشہ ورانہ خاکے کے مطابق وہ ارجنٹائن سے تعلق رکھنے والی ایک سکالر، ماہر اور جنگ و امن کے مطالعہ کے حوالے سے تسلیم شدہ اتھارٹی ہیں، جنہیں امن اور سلامتی سے متعلق تمام موضوعات، بشمول بحران کے انتظام پر 40 سال سے زیادہ کا متعلقہ تجربہ حاصل ہے۔ انہوں نے اقوام متحدہ میں دو شعبوں ‘‘بچوں اور مسلح تنازعات (2017-2025) اور نسل کشی کی روک تھام (2024-2025) میں انڈر سیکرٹری جنرل کے طور پر خدمات سرانجام دی ہیں۔
اقوام متحدہ کی جنرل اسمبلی نے 20 اپریل کے ہفتے میں امیدواروں کے ساتھ باہمی مکالمے منعقد کرنے کا شیڈول طے کر رکھا ہے۔