ایپل کمپنی کی جانب سے آئی فونز میں نئے سیکورٹی فیچرز متعارف کروانے کے بعد صارفین کی جانب سے شدید ردعمل دیا گیا ہے۔
رپورٹس کے مطابق ایپل کمپنی نے فیصلہ کیا ہے کہ آئی فون صارفین کے لئے متعارف کرانے جانے والے نئے سیکورٹی فیچر کو حکومتوں اور سیکیورٹی کے اداروں کے ساتھ شیئر نہیں کیا جائے گا۔
کمپنی کی جانب سے صارفین کو بتایا گیا ہے کہ آئی فون صرف وہی فوٹوز کو اسکین کرے گا جو آئی کلاؤڈ پر لگائی جائے گی۔
قبل ازیں نئے فیچر کے تحت کسی بھی آئی فون میں بچوں کی نازیبا تصاویر ہونے کی صورت میں متعلقہ حکام کو بھی خودکار طریقے سے آگاہ کردیا جائے گا۔ ایپل نے یہ فیچرز ابتدائی طورپر امریکہ اور پھر دنیا بھر میں متعارف کرانے کا اعلان کیا تھا۔
امریکہ میں پانچ ہزار سے زائد لوگوں نے آئی فون کے نئے فیچر کے خلاف پٹیشن پر دستخط کیے اور تحفظات کا اظہار کیا گیا کہ نئے فیچر سے لوگوں کا ڈیٹا چوری ہو سکتا ہے۔
ایپل کا کہنا تھا کہ نئے فیچر متعارف کرانے کا بنیادی مقصد بچوں کے جنسی استحصال سے متعلق مواد کے پھیلاؤ کو روکنا ہے۔
کمپنی کا مزید کہنا ہے کہ موبائل فون پر ’لنکڈ فیملی اکاؤنٹس‘ استعمال کرنے والے والدین کو بھی ایسے مواد سے متعلق نوٹیفکیشن موصول ہوگا۔