بھارت کی ساؤتھ انڈین فلمون میں اداکاری کے جوہر دکھانے والی اداکارہ برین ٹیومر کے باعث انتقال کر گئیں ہیں۔
میدیا رپورٹس کے مطابق ساؤتھ انڈین فلموں کی نامور اداکارہ شرنیا سسی شارو نے 9 اگست کو ایک نجی اسپتال میں اپنی زندگی کی آخری سانسیں لیں جبکہ ان کی موت کی وجہ ان کا برین ٹیومر تھا جس کے علاج کے دوران اداکارہ کی 11 بڑی سرجریاں ہوئیں۔ ۔
چند ہفتوں قبل اداکارہ شرنیا کووڈ19 کا شکار ہوگئی تھیں جس کی وجہ سے انہیں اسپتال میں داخل کیا گیا تھا تاہم کورونا وائرس سے صحت یاب ہونے کے بعد نمونیہ اور خون میں سوڈیم لیول کی کمی کے باعث انہیں دوبارہ اسپتال میں داخل کیا گیا تھا۔
شرنیا گزشتہ 10 برس سے برین ٹیومر میں مبتلا تھیں اور ان کی موت کے وقت اداکارہ صرف 35 سال کی تھیں۔
اداکارہ شرنیا ملالم ٹی وی کی معروف اداکارہ تھیں اور انہوں نے متعدد ٹی وی سیریلز میں اہم کردار ادا کیے تھے۔ اداکارہ کی موت پر شوبز سے وابستہ افراد نے افسوس کا اظہار کیا ہے۔