بیجنگ (شِنہوا) چین کے شمسی توانائی کے شعبے میں 2025 میں مستحکم توسیع جاری رہی جس نے ملک کی بجلی کی مجموعی پیداواری صلاحیت میں اہم اضافہ کیا۔
قومی توانائی انتظامیہ (این ای اے) کے بدھ کو جاری کردہ اعداد و شمار کے مطابق 2025 کے اختتام تک چین میں بجلی کی پیداوار کی مجموعی نصب شدہ 3.89 ارب کلو واٹ (کے ڈبلیو) تک پہنچ گئی جو پچھلے سال کے مقابلے میں 16.1 فیصد زیادہ ہے۔ ملک کی توانائی کے مجموعے میں شمسی توانائی نے سب سے نمایاں کارکردگی کا مظاہرہ کیا جس کی نصب شدہ صلاحیت 35.4 فیصد بڑھ کر 1.2 ارب کلو واٹ ہو گئی۔
ہوا سے بجلی پیدا کرنے والی توانائی نے بھی مستحکم توسیع جاری رکھی اور اس کی نصب شدہ صلاحیت 64 کروڑ کلو واٹ تک پہنچ گئی جو گزشتہ سال کے مقابلے میں 22.9 فیصد زیادہ ہے۔
این ای اے کے اعداد و شمار سے یہ بھی ظاہر ہوا کہ بجلی پیدا کرنے والے آلات (6 ہزار کلوواٹ اور اس سے زیادہ کے بجلی گھر) کا مجموعی اوسط استعمال 2025 میں 3 ہزار 119 گھنٹے رہا جو 2024 کے مقابلے میں 312 گھنٹے کم ہے۔
چین نے دنیا کا سب سے بڑا قابل تجدید توانائی کا نظام قائم کیا ہے اور ملک بھر میں ماحول دوست توانائی کی منتقلی کو تیز کرنے کا عزم ظاہر کیا ہے۔