پنجاب میں ’’سہولت آن دی گو بازار‘‘ عوام کی توجہ کا مرکز بن گیا

لاہور(نیشنل ٹائمز) پنجاب میں ملک کا پہلا اور منفرد ’’سہولت آن دی گو بازار‘‘ عوام کی توجہ کا مرکز بن گیا۔
سی ایم سہولت آن دی گو” بازار میں ریڑھی بانوں کو باعز ت روزگار اور شہریوں کو معیاری اور سستی اشیاء ملنے لگیں، وزیراعلیٰ پنجاب مریم نوازشریف کی ہدایت پر ریڑھی بانوں کو 400 سے زائد سٹالز کی اوپن قرعہ اندازی کے ذریعے الاٹمنٹ کر دی گئی۔لاہور میں پہلے مرحلے میں دس مقامات پر ’’سہولت آن دی گو بازار‘‘ کھل گئے، گلشن راوی، شادمان، مادر ملت، مدینہ مارکیٹ، ٹاؤن شپ، سندر روڈ، کوٹھا پنڈ فیصل ٹاؤن کے سہولت بازار فنکشنل کر دیئے گئے، کھاڑک نالہ، اعوان ٹاؤن، ویلنشیا اور شاہدرہ میں بھی “سہولت آن دی گو بازار “فعال ہو چکے ہیں۔سہولت آن دی گو بازار” میں پھل، سبزیاں، چکن اور کریانہ مصنوعات ڈی سی ریٹ پر ملیں گی، “سہولت آن دی گو بازار” میں سکیورٹی، واش روم اور صفائی کا شاندار اور بہترین نظام کیا گیا ہے، ڈرائیو تھروخریداری کی سہولت بھی موجود ہے۔فروری تک لاہور میں مزید 5 مقامات پر سہولت آن دی گو بازار فنکشنل کئے جائیں گے، برکی، صدر، نشتر ٹاؤن، رائے ونڈ فیز ٹو، فیصل ٹاؤن، مون مارکیٹ اور فیروز والا میں سہولت آن دی گو بازار تکمیل کے آخری مراحل میں ہیں۔دکانداروں نے مریم نواز کا شکریہ ادا کرتے ہوئے کہا کہ اب ہم ریڑھی والے نہیں بلکہ اپنی دکان کے باقاعدہ مالک بن چکے ہیں، ریڑھیوں کو ہٹانے کی بجائے باوقار اور باقاعدہ سسٹم بنانے پر وزیراعلی کا شکریہ ادا کرتے ہیں۔سہولت آن دی گو بازار کے ذریعے رمضان بازاروں میں ملنے والی سستی اشیاء سال بھر دستیاب ہوں گی۔وزیراعلی مریم نوازشریف نے سہولت آن دی گو بازار کو مرحلہ وار لاہور کے دیگر علاقوں تک وسیع کرنے کی ہدایت کرتے ہوئے کہا کہ سہولت آن دی گو بازار قائد محمد نوازشریف کے کلین اور خوبصورت لاہور کا ویژن ہے، ریڑھی بانوں کو اپنی دکانیں ملنے پر جو خوشی ہو رہی ہے اسے محسوس کر سکتی ہوں۔انہوں نے کہا کہ ہر ریڑھی بان اب فخر سے کہہ سکتا ہے کہ اس کی اپنی دکان ہے، حقیقی ترقی وہی ہے جس میں ہر غریب محنت کش بھی مستفید ہو، لاہور سمیت پنجاب بھر میں سہولت آن دی گو بازار جیسے پراجیکٹ لائیں گے۔مریم نواز کا کہنا تھا کہ ریڑھی بان برسوں سے کھلے آسمان تلے کھڑے ہوتے تھے آج انہیں چھت مل چکی ہے، سہولت آن دی گو بازار پراجیکٹ کے قیام کے لئے پنجاب سہولت بازار اتھارٹی کی کاوشیں قابل تحسین ہیں۔چیئرمین پنجاب سہولت بازار اتھارٹی نے کہا کہ سہولت آن دی گو بازار بننے سے رمضان بازاروں میں دی جانے والی سبسڈی کی ضرورت بھی کم ہوگی۔