ملتان(نیشنل ٹائمز) نشتر ہسپتال ملتان میں ڈاکٹر کی جانب سے مریِضہ کے لواحقین سے بد سلوکی کا معاملہ، ایڈیشنل ہاؤس آفیسر ڈاکٹر قاسم جمال کو نوکری سے برخاست کر دیا گیا۔
واقعہ کی رپورٹ بھی سامنے آگئی جس کے مطابق 18 دسمبر 2025 کو شام ساڑھے چار بجے نشتر ہسپتال ملتان کے ایکسیڈنٹ اینڈ ایمرجنسی ڈیپارٹمنٹ میں مریضہ شمیم اختر نے رپورٹ کیا۔رپورٹ کے مطابق مریضہ میں کرونک لیور ڈیزیز کی تشخیص ہوئی، ڈیوٹی پر موجود سینئر رجسٹرار نے مریضہ کو دیکھا اور علاج کی سپرویژن کی۔علاج کے دوران ڈاکٹرز اور مریضہ کے لواحقین میں بحث مباحثہ شروع ہوا، مریضہ کے لواحقین نے ڈاکٹرز کے ساتھ بد سلوکی کی جو جھگڑے کا سبب بنی۔رپورٹ کے مطابق ڈاکٹر قاسم جمال کو نوکری سے برخاست کرکے تحقیقات کا باقاعدہ آغاز کر دیا گیا۔
مریِضہ کے لواحقین سے بدسلوکی پر ایکشن، ڈاکٹر نوکری سے برخاست
