اسلام آباد (آئی این پی ) وزیر خارجہ شاہ محمود قریشی نے کہا ہے کہ پوری دنیا نے بھارت کے 5 اگست کے اقدام کو مسترد کیا ہے، کشمیریوں کی آزادی تک ساتھ کھڑے ہیں، اقوام متحدہ، سیکورٹی کونسل لاکھوں کشمیریوں کو حق خودارادیت دینے کے وعدے پر عملدرآمد یقینی بنائے۔ جمعرات کو وزیر خارجہ شاہ محمودقریشی نے اسلام آباد میں ریلی سے خطاب کرتے ہوئے کہا کہ دنیا بھر میں مقیم کشمیری مودی کے غیر قانونی اقدام کی مذمت کر رہے ہیں، مقبوضہ کشمیر کی قیادت نے بھارتی حکومت کے اقدامات کو مسترد کر دیا، پاکستان کشمیریوں کی اخلاقی، سیاسی اور سفارتی حمایت جاری رکھے گا۔
دنیا نے بھارت کے 5 اگست کے اقدام کو مسترد کیا، کشمیریوں کی آزادی تک ساتھ کھڑے ہیں، وزیر خارجہ
