پشاور(نیشنل ٹائمز) خیبرپختونخوا میں دھند کے باعث سکولوں کا نیا ٹائم ٹیبل جاری کر دیا گیا۔اعلامیہ کے مطابق 4 اضلاع میں سکول اب صبح 9 بجے کھلیں گے، نئے ٹائم ٹیبل کا اطلاق مردان، چارسدہ، نوشہرہ اور صوابی کے سکولوں پر ہوگا۔کلاس کا دورانیہ 5 منٹ کم کیا جاسکے گا، دھند کے خاتمے تک نیا ٹائم ٹیبل نافذ رہے گا، تمام سکولوں کو نئی ہدایات پر سختی سے عمل کرنے کا حکم دیا گیا ہے۔اعلامیہ کے مطابق فیصلہ طلبہ کے تحفظ کے پیشِ نظر کیا گیا، ایجوکیشن ڈائریکٹوریٹ نے نوٹیفکیشن تمام اضلاع کو بھجوا دیا، سکول سربراہان کو پابندی سے عمل درآمد یقینی بنانے کی ہدایت کی گئی ہے۔