لاہور(نیشنل ٹائمز)پنجاب اسمبلی کا 35 واں اجلاس جمعہ کو ہو گا، اجلاس کا ایجنڈا جاری کر دیا گیا۔
اجلاس 28 نومبر بروز جمعہ دوپہر 2 بجے شروع ہو گا، اجلاس کی صدارت سپیکر پنجاب اسمبلی ملک محمد احمد خان کریں گے، اجلاس میں محکمہ انوائرمنٹ پروٹیکشن پوچھے گئے سوالات کے جوابات دے گا۔ارکان اسمبلی اجلاس میں زیرو آور نوٹسز پیش کریں گے، اجلاس میں 5 موجودہ تحریک التواء کار زیر بحث آئیں گی، پنجاب موٹر گاڑیاں (چوتھی ترمیم) آرڈیننس 2025 پیش کیا جائے گا۔اجلاس میں ستھرا پنجاب اتھارٹی آرڈیننس 2025 پیش کیا جائے گا، اجلاس میں مسودہ قانون پولیس آرڈر(دوسری ترمیم) 2025 پیش کیا جائے گا، امن و امان کی صورتحال پر عام بحث کا آغاز ہو گا۔