اسلام آباد(نیشنل ٹائمز)کالعدم مذہبی جماعت کے کارکنان کی مختلف مقدمات میں گرفتاری کے معاملہ پر اہم پیشرفت سامنے آ گئی۔
انسداددہشت گردی عدالت کے جج ابوالحسنات محمد ذوالقرنین نے کیسز پر سماعت کی، کالعدم مذہبی جماعت کے 181 کارکنان کی ضمانت کی درخواستیں منظور کر لی گئیں۔عدالت نے متعلقہ مقدمات میں کالعدم مذہبی جماعت کے 181 کو رہا کرنے کا حکم دے دیا۔کالعدم مذہبی جماعت کے کارکنان کی 10 10 ہزار روپے کے مچلکوں کی عوض ضمانتیں منظور کی گئیں۔واضح رہے کہ کالعدم مذہبی جماعت کے کارکنان کیخلاف 3 سے زائد الگ الگ تھانوں میں مقدمات درج ہیں۔