اسلام آباد(نیشنل ٹائمز)انسداد دہشت گردی عدالت اسلام آباد نے 4 اکتوبر احتجاج کے کیس میں عمر ایوب کو اشتہاری قرار دے دیا۔
انسداد دہشت گردی عدالت کے جج طاہر عباس سپرا نے سابق اپوزیشن لیڈر عمر ایوب کیخلاف 4 اکتوبر احتجاج کیس کی سماعت کی۔دوران سماعت عدالت نے رہنما پی ٹی آئی عمر ایوب کی پراپرٹی کی تفصیلات بھی طلب کر لیں اور عدالت نے عمر ایوب کا پاسپورٹ و شناختی کارڈ بلاک کرنے کی بھی حکم دے دیا۔یاد رہے کہ سابق اپوزیشن لیڈر عمر ایوب کیخلاف 4 اکتوبر کو احتجاج کرنے کے کیس میں دہشت گردی کی دفعات کے تحت تھانہ نون میں مقدمہ درج ہے۔
عمر ایوب اشتہاری قرار، پاسپورٹ اور شناختی کارڈ بلاک کرنے کا حکم
