برسلز (نیشنل ٹائمز) نائب وزیراعظم و وزیر خارجہ سینیٹر محمد اسحاق ڈار نے برسلز میں یورپی یونین کے کمشنر برائے بین الاقوامی شراکت داری جوزف سکیلا سے ملاقات کی۔ ملاقات میں پاکستان اور یورپی یونین کے دوطرفہ تعلقات اور باہمی دلچسپی کے شعبوں میں تعاون کے فروغ پر تبادلہ خیال ہوا۔

فریقین نے ’’گلوبل گیٹ وے‘‘ پروگرام کے تحت دستیاب مواقع کا جائزہ لیا اور باہمی شراکت داری کو مزید مضبوط بنانے پر اتفاق کیا۔ اس موقع پر گرین ٹرانزیشن، ڈیجیٹل رابطہ سازی اور پائیدار ترقی کے شعبوں میں تعاون بڑھانے کی ضرورت پر بھی زور دیا گیا۔

سیکرٹری خارجہ آمنہ بلوچ اور یورپی یونین، بیلجیئم اور لکسمبرگ کے لیے پاکستان کے سفیر رحیم حیات قریشی بھی اس ملاقات میں موجود تھے۔