اسلام آباد(نیشنل ٹائمز)تحریک تحفظ آئین پاکستان کے سربراہ محمود خان اچکزئی اور علامہ ناصر عباس نے عمران خان کی بہنوں سے ملاقات کی۔
بنی گالہ میں ملاقات کے بعد محمود خان اچکزئی اور علامہ ناصر عباس نے بانی پی ٹی آئی کی بہنوں کے ہمراہ مشترکہ پریس کانفرنس کی۔محمود اچکزئی اچکزئی کا اپنی گفتگو میں کہنا تھا کہ ایک غلط فہمی ملک میں پھیلا دی گئی ہے کہ ایک آدمی ہے جو باغی ہے اس کوتوڑنا ہے، یہ 25 کروڑ انسانوں کی لڑائی ہے ، یہ زر اور زور کی بنیاد پر حکومت لی گئی۔اُنہوں نے کہا کہ لوگوں کی گھروں میں جاکر انہیِں بے عزت کیا گیا ،یہ جرم ہے ، ظالم حکمران کے سامنے کھڑا ہونا جہاد ہے،ہم مطمئن ہیں،کوں کہ اللہ مظلوم کے ساتھ ہے، کسی کی طاقت فرعون سے زیادہ نہیں ہے۔
علامہ ناصر عباس
علامہ ناصر عباس کا کہنا تھا کہ ہم بانی پی ٹی آئی کی بہنوں کے ساتھ اظہار یکجہتی کے لئے گالہ آئے تھے، گزشتہ رات ظلم ڈھایا گیا،اور بانی پی ٹی آئی کی بہنوں پر تشدد کیا، یہ ظلم کے مقابلے میں مسکرا رہی ہیں۔
اُنہوں نے کہا کہ 26 ویں اور 27 ویں ترمیم نے سسسٹم کو گرادیا ، پیکا ایکٹ کے ذریعے میڈیا کے گلے میں پھندا ڈال دیا، پاکستان نے اقوام متحدہ میں جو ووٹ دیا اس سے سب ایکسپوز ہوگیا ،آنے والا جمعہ آزمائش کا امتحان ہے۔
علیمہ خانم
عمران خان کی ہمشیرہ علیمہ خان کا کہنا تھا کہ گزشتہ رات ہم اکیلی نہیں تھیں دیگر خواتین بھی ہمارے ساتھ تھیں، ان کا ارادہ مجھے جیلوں میں بھیجنے کا ہے،یہ ہم سب بہنوں کو جیل میں بھیج دیں ہمیں پرواہ نہیں ہے ،ہم پھراڈیالہ جائیں گی،چاہے مار دیں ہمیں کوئی ڈر نہیں۔
نورین نیاری
نورین نیازی نے کہا کہ ہم شکر گزار ہیں محمود اچکزئی کا،ہمین حوصلہ ملا ہے ، بانی کا درست فیصلہ تھا کہ دونوں تحریک چلائیں گے، یہ لوگوں کے گھروں میں گھسے ،ظلم کیا، اب جو تحریک چلے گی یہ دونوں لیڈ کریں گے ہم ساتھ ہوں گے۔