پشاور(نیشنل ٹائمز ) کارخانو مارکیٹ میں پولیس وین کے قریب ہونے والے دھماکے میں ایک پولیس اہلکارشہید جبکہ ایک زخمی ہوگیا۔ سیکیورٹی اہلکاروں نے علاقے کو مکمل طور پر گھیرے میں لے لیا۔ پولیس حکام نے بتایا ہے کہ بم ڈسپوزل سکواڈ(بی ڈی یو) اور پولیس کی ٹیمیں دھماکے کی جگہ روانہ ہوگئیں ہیں اور دھماکے کی نوعیت معلوم کی جارہی ہے۔ پولیس حکام کا کہنا ہے کہ دھماکے کے فوری بعدحیات آباد میڈیکل کمپلیکس میں ایمرجنسی نافذ کردی گئی ہے ۔