گلگت(آئی این پی) اسکردو ایئرپورٹ پر پاکستان انٹرنیشنل ائیرلائنز (پی آئی اے )کا آپریشن مکمل فعال کر دیا گیا ۔ترجمان سول ایوی ایشن اتھارٹی (سی اے اے)کا کہنا ہے کہ اسکردو ایئرپورٹ پر پی آئی اے کا آپریشن مکمل فعال کر دیا گیا ہے ، کراچی، لاہور، اسلام آباد،لاہور، فیصل آباد، سیالکوٹ اور ملتان ایئر پورٹس سے پروازوں کی آمد کا سلسلہ جاری ہے۔سیاحوں کی سکردو آمد سے پاکستان میں سیاحت کے بہترین مستقبل کے لئے مثبت اقدامات کئے گئے ہیں ، پاکستان سول ایوی ایشن اتھارٹی سیاحت کو فروغ دینے میں اپنا کردار ادا کر رہی ہیں ۔سی اے اے کی طرف سے مسافروں کو بہترین سہولیات فراہم کی جا رہی ہیں، سکردو ایئرپورٹ کو انٹر نیشنل ایئر پورٹ کا درجہ ملنے کے بعد بیرون ممالک سے براہ راست پروازیں بھی آپریٹ ہوں گی ۔غیر ملکی سیاح براہ راست پروازوں کے ذریعے پاکستان کے شمالی علاقوں کی خوبصورتی سے لطف اندوز ہو سکیں گے۔