اسلام آ باد (آئی این پی ) داسو حملے میں استعمال ہونے والی گاڑی سے تعلق کے شبہے میں دو افراد کو حراست میں لیا گیا ہے،گرفتار ہونے والے دونوں بھائیوں کا تعلق کوئٹہ سے ہے۔ نجی ٹی وی کے مطابق کہ داسو اور جوہر ٹان حملوں کا تعلق بھارتی خفیہ ایجنسی را سے ثابت ہو رہا ہے۔ خیال رہے کہ چند روز قبل اپر کوہستان میں داسو ڈیم پر کام کرنے والے چینی باشندوں کی گاڑی پر حملہ کیا گیا تھا جس میں 9 چینی باشندوں سمیت 12 افراد جاں بحق ہو گئے تھے۔ وزیر داخلہ شیخ رشید نے پریس کانفرنس کرتے ہوئے داسو حملے میں ملوث ملزمان کو جلد کیفر کردار تک پہنچانے کا اعلان کیا تھا۔