اسلام آباد (نیشنل ٹائمز) وزیر خارجہ شاہ محمود قریشی بحرین کے دوروزہ دورے پر روانہ ۔وزیر خارجہ بحرین میں منعقدہ پاکستان – بحرین مشترکہ وزارتی کمشن (جے۔ایم۔سی) کے دوسرے اجلاس میں پاکستانی وفد کی قیادت کریں گے۔وزیر خارجہ مخدوم شاہ محمود قریشی’ جے۔ایم۔سی‘ کے دوسرے اجلاس میں پاکستان کی طرف سے مشترکہ صدارت کریں گے۔ ’جے۔ایم۔سی‘ کے اجلاس میں کامرس، سرمایہ کاری، توانائی، بیرون ملک ملازمت، زراعت، اطلاعات ونشریات، سیاحت سمیت باہمی دلچسپی کے مختلف شعبہ جات میں دو طرفہ تعاون پر تبادلہ خیال کیا جائے گا اس دورے کے دوران وزیر خارجہ مخدوم شاہ محمود قریشی بحرین کے وزیر خارجہ ڈاکٹر عبداللطیف بن راشد الزیانی سمیت بحرین کی قیادت سے ملاقات کریں گے اور ان سے دوطرفہ تعلقات کے فروغ سمیت باہمی دلچسپی کے علاقائی اور عالمی امور پر تبادلہ خیال کریں گے ۔ پاکستان اور بحرین میں مشترک عقیدے اور اقدار کی بنیاد پر گہرے اور قریبی برادارانہ تعلقات استوار ہیں۔مخدوم شاہ محمود قریشی بحرین کے فرمانروا عزت مآب شاہ حمد بن عیسی الخلیفہ کی دعوت پر دسمبر 2019 میں وزیراعظم عمران خان کے دورہ ء بحرین کے بعد سے بحرین کے ساتھ دوطرفہ تعلقات نئی بلندیوں کی طرف گامزن ہیں۔ مخدوم شاہ محمود قریشی اس دورے کے دوران وزیراعظم عمران خان کو بحرین کے اعلیٰ اعزاز ”کنگ حمد آرڈر آف رینا ئیسنس“ سے نوازا گیا, مخدوم شاہ محمود قریشی پاکستان اور بحرین باہمی مفاد میں دوطرفہ تعلقات کو مزید مستحکم بنانے کے لئے کوشاں ہیں۔ مخدوم شاہ محمود قریشی توقع ہے کہ وزیرخارجہ مخدوم شاہ محمود قریشی کا دورہ دونوں ممالک کے برادرانہ تعلقات کی مثبت رفتار کو مزید مہمیز دینے میں ممدومعاون ثابت ہوگا۔