غزہ (نیشنل ٹائمز) اسرائیلی بمباری سے مزید 70 سے زائد فلسطینی شہید ہوگئے۔
غزہ میں اسرائیلی حملے رکنے کا نام نہیں لے رہے۔الجزیرہ کے مطابق بدھ کو غزہ میں اسرائیلی فوج کی بےرحم بمباری میں کم از کم 73 فلسطینی شہید ہوگئے، جن میں کئی امداد کے متلاشی افراد بھی شامل ہیں۔اسرائیلی فوج کی جانب سے غزہ میں امداد تقسیم کرنے کے مقامات کے قریب بھی حملے کیے گئے۔وسطی غزہ میں اسرائیلی گولہ باری کے نتیجے میں 6 فلسطینی شہید ہو گئے۔ یہ حملے دیر البلح کے علاقے میں پناہ گزین کیمپ پر کیے گئے تھے۔اس کے علاوہ غزہ میں بھوک کی شدت سے مزید 6 فلسطینی انتقال کرگئے جس کے بعد اسرائیل کے جبری قحط سے 131 بچوں سمیت اموات کی تعداد 367 ہوگئی ہے۔دوسری جانب مقبوضہ بیت المقدس میں اسرائیلی شہریوں نے نیتن یاہو حکومت کے خلاف احتجاج کیا اور یرغمالیوں کی رہائی اور غزہ جنگ بندی کا مطالبہ کیا۔ادھر اسکاٹ لینڈ نے اسرائیل کو اسلحہ دینے والی کمپنیوں کے لیے سرکاری فنڈنگ روک دی ہے۔