ویب ڈیسک(نیشنل ٹائمز)آپریشن سندور کی ہزیمت کو چھپانے کے لیے بھارت کا پاکستان کیخلاف دہشت گردی کا جھوٹا بیانیہ بے نقاب ہو گیا۔
ریاست بہارکے انتخابات قریب آتے ہی بھارت کی بدنام زمانہ خفیہ ایجنسی ’را‘کی ایماء پر بھارتی میڈیا نے پاکستان کے خلاف پروپیگنڈا شروع کر دیا۔بھارتی میڈیا نے 28 اگست 2025 کو 3 پاکستانی شہریوں کے حوالے سے من گھڑت خبر دی، جس میں دعویٰ کیا گیا کہ 3 پاکستانی شہری کھٹمنڈو کے راستے بھارتی ریاست بہار میں داخل ہوئے، بھارتی میڈیا نے تینوں پاکستانیوں کو دہشت گرد کے طور پر پیش کرتےہوئے ریڈ الرٹ بھی جاری کر دیا۔بھارتی میڈیا کی اس جھوٹی خبرکے فوراً بعد تینوں پاکستانی شہریوں کے بیانات سامنے آگئے، شواہد سے ثابت ہوتا ہے کہ تینوں پاکستانی شہری براستہ نیپال اور ملائیشیا روزگار کے لیے کمبوڈیا جا رہے تھے۔حسنین علی 28 اگست کو باتک ائیر ویز کی پرواز سے ملائیشیا کے لیے روانہ ہوا اور حسنین علی کا کہنا تھا میں نیپال گھومنے کیلئے رکا تھا، اب کمبوڈیا جاؤں گا اور پھر واپس پاکستان چلا جاؤں گا۔محمد عثمان ولد بشارت جو بہاولپور کا رہائشی ہے 8 اگست کوبراستہ دبئی، کھٹمنڈو کے لیے روانہ ہوا اور ان کا کہنا ہے کہ ہمارے خلاف بھارتی میڈیا پر جھوٹی خبریں چلائی گئی کہ ہم دہشت گرد ہیں۔ عادل حسین میرپور خاص کا رہائشی ہے جو 8 اگست کو پرواز ایف زیڈ 344 کے ذریعے کھٹمنڈو روانہ ہوا اور اس حوالے سے عادل حسین کا کہنا ہے میں نیپال سے 27 اگست کو کمبوڈیا پہنچا، نیپال میں تفریح اور گھومنے کیلئے رکا تھا۔خیال رہے کہ پاکستان نے مئی میں بھارت کی جانب سے کیے جانے والے حملے کے جواب میں بھرپور جوابی کارروائی کرتے ہوئے بھارت کے 3 رافیل طیاروں سمیت 7 طیارے اور کئی ائیر بیسز کو تباہ کر دیا تھا۔پاکستان دنیا پر واضح کر چکا ہے کہ بھارت آپریشن سندور کی ہزیمت مٹانے کے لیے غیر قانونی طور پر حراست میں رکھے ہوئے پاکستانی اور کشمیریوں کو فیک انکاؤنٹرز میں قتل کر کے انہیں دہشت گرد ثابت کرنے کی کوشش کرے گا۔