انٹرنیشنل ڈیسک(نیشنل ٹائمز) ایرانی سکیورٹی فورسز نے جنوبی مغربی علاقے میں کارروائی کے دوران 6 عسکریت پسند ہلاک کردیے جبکہ 2 کو گرفتار کرلیا گیا۔
رپورٹس کے مطابق تمام عسکریت پسند ایران کے صوبے سیستان بلوچستان میں سکیورٹی فورسز کے ساتھ فائرنگ کے تبادلے میں مارے گئے۔ غیر ملکی میڈیا کی رپورٹس کے مطابق ہلاک عسکریت پسندوں کا تعلق اسرائیل سے ہے اور عسکریت پسند اسرائیلی خفیہ ایجنسی موساد کے زیر تربیت رہے۔ہلاک ہونے والے عسکریت پسندوں میں سے ایک کے علاوہ سب غیرملکی تھے جبکہ ایرانی حکام کی جانب سے ان کی شہریت نہیں بتائی گئی۔یاد رہےکہ ایران کے جنوب مشرقی علاقے میں گزشتہ روز مسلح افراد کے حملے میں 5 پولیس اہلکار جاں بحق ہوئے تھے۔