لاہور(نیشنل ٹائمز) مسلم لیگ (ن) کی رکن پنجاب اسمبلی رابعہ فاروقی نے مہنگائی کے خلاف قرارداد پنجاب اسمبلی میں جمع کروا دی ہے جس میں کہا گیا ہے کہ پنجاب اسمبلی کا یہ ایوان اقتصادی رابطہ کمیٹی کے اجلاس میں یوٹیلٹی سٹورز پر بکنے والی اشیائے خوراک کے نرخوں میں گراں قدر اضافے کی منظوری کی شدید مذمت کرتا ہے آٹے کے 20 کلو کے تھیلے کی قیمت میں 150 روپے‘ گھی کی قیمت میں فی کلو 90 روپے جبکہ چینی کی قیمت میں فی کلو 17 روپے اضافہ ظالمانہ اقدام ہے جس سے عام آدمی کی زندگی بُری طرح متاثر ہو گی۔ یوٹیلٹی سٹور کم آمدنی والے طبقے کیلئے ایک بڑی سہولت ہے‘ جہاں قیمتوں میں رعایت سے عوام فائدہ اٹھا رہے تھے حکومت نے سہولت کا یہ دروازہ بند کر کے عوام کی زندگیاں مزید تنگ کر دی ہیں لہذا اس ایوان کے اراکین کی متفقہ رائے ہے کہ اس اضافہ کو فلفور واپس لیا جائے کیونکہ اشیائے خورونوش ہوں یا توانائی کے وسائل‘ ان کے بغیر گزارہ نہیں‘ اس لیے حکومت جب ان اشیا کی قیمتوں میں اضافہ کرتی ہے تو اس کی ضرب سیدھی غریب کے پیٹ پر پڑتی ہے۔ حکومت کھانے پینے کی اشیا کی قیمتوں میں اضافہ نہ کرنے کا عندیہ دیتی آئی ہے مگر عملی صورت یہ ہے کہ رواں مالی سال کا آغاز ہی اشیائے ضروریہ کی قیمتوں میں اضافے کے ساتھ ہوا ہے۔ ادارہ جاتی بدانتظامی اور حکومتی فیصلوں نے یوٹیلٹی سٹورز کی افادیت کو ختم کر دیا ہے