کراچی (نیشنل ٹائمز)معروف اداکارہ منشا پاشا اور مومل شیخ نے گلوکار فلک شبیر سے پھولوں کا مطالبہ کردیا۔ڈائریکٹر سلطانہ صدیقی کی فیملی کی تقریب میں پاکستان شوبز انڈسٹری سے منسلک معروف شخصیات نے شرکت کی۔ اسی تقریب سے ایک ویڈیو انسٹاگرام پر وائرل ہورہی ہے جس میں منشا پاشا، مومل شیخ اور فلک شبیر کے مابین ہلکی پھلکی مزاحیہ گفتگو ہورہی ہے۔ویڈیو میں مومل شیخ فلک سے کہہ رہی ہیں کہ ہمارے پھول کہاں ہیں، سالیوں کو بھی پھول دینے چاہئیں جس پر فلک ایک جانب اشارہ کرتے ہوئے کہتے ہیں کہ وہاں لٹکائے ہوئے ہیں۔ویڈیو میں مومل مسلسل پھولوں کا مطالبہ کرتے ہوئے کہہ رہی ہیں کہ سالیوں کو ان کے پھول کب ملیں گے جس پر فلک شبیر نے کہا کہ سالیوں کو پھول ان کے شوہر دیں گے۔فلک شبیر کے اس جواب پر اداکارہ منشا پاشا نے کہا کہ بھائی بھی دے سکتے ہیں پھول۔