اسلام آباد (نیشنل ٹائمز) وفاقی محکمہ صحت ملازمین کی ہڑتال کے باعث وفاقی دارالحکومت میں کوروناویکسی نیشن مہم متاثرہونے کا خدشہ پیدا ہوگیا۔ تفصیلات کے وفاقی دارالحکومت میں کوروناویکسی نیشن مہم متاثرہونے کا خدشہ پیدا ہوگیا ہے ، ضلعی محکمہ صحت کے ملازمین نے بدھ کو ہڑتال کا اعلان کردیا۔ ضلعی محکمہ صحت ملازمین نے ویکسی نیشن سینٹرزبند رکھنے کا اعلان کرتے ہوئے کہا ہے کہ وفاقی دارالحکومت کے تمام ویکسی نیشن سینٹرزبندرہیں گے اور ضلعی محکمہ صحت کے تمام ملازمین آج احتجاجا ہڑتال کریں گے۔ وفاقی ضلعی ملازمین کا کہنا تھا کہ ڈاکٹرز، ایل ایچ وی، ایل ایچ ڈبلیوز، سپروائزر اور نرسزکام نہیں کریں گے ، حکومت اسپتالوں کے ملازمین کو کورونا الانس دے رہی ہے، کوروناالانس کے باریمیں ضلعی محکمہ صحت ملازمین کو نظرانداز کیا گیا۔ احتجاجی ملازمین نے مزید کہا کہ وزارت قومی صحت کوروناالانس دینے سے انکاری ہے اور مطالبہ کیا کہ جولائی 2020 سے جولائی2021تک کورونا الانس دیا جائے۔ احتجاجی ملازمین ایف نائن ماس ویکسی نیشن سینٹرپراحتجاج کریں گے، وفاقی محکمہ صحت ملازمین نے مطالبہ کیا ہے کہ کنٹریکٹ ملازمین کومستقل،سروس اسٹرکچردیاجائے۔ ڈی ایچ اواسلام آباد نے ضلعی محکمہ صحت ملازمین سے ہڑتال نہ کرنیکی اپیل کرتے ہوئے کہا ہے کہ کورونا کیخلاف ضلعی محکمہ صحت کاکردارلائق تحسین ہے، ہڑتال سیکوروناویکسی نیشن مہم کوناقابل تلافی نقصان ہوگا۔ ڈی ایچ اواسلام آباد کا کہنا تھا کہ ملازمین کے مطالبات وزارت قومی صحت کوپہنچادیئے ہیں، حکومت ضلعی محکمہ صحت ملازمین کے جائزمطالبات تسلیم کریگی۔