انٹرنیشنل ڈیسک (نیشنل ٹائمز) ایرانی صحافی اور سابق ایڈیٹر نے دعویٰ کیا ہےکہ جنگ کے دوران اسرائیلی وزیراعظم نیتن یاہو نے جادو ٹونے اور جنات کا سہارا لیا۔
سوشل میڈیا پلیٹ فارم ٹوئٹر پر ایران کی پاسدارانِ انقلاب سے وابستہ اخبار ’ جوان‘ کے سابق ایڈیٹر عبد اللہ گنجی نے ٹوئٹ کی کہ اسرائیل نے ایران کے ساتھ جنگ کے دوران ’جادو اور مافوق الفطرت ارواح‘ کا استعمال کیا۔عبد اللہ گنجی کے مطابق اسرائیل سے حالیہ جنگ کے دوران ایران میں یہ عجیب وغریب واقعہ پیش آیا۔عبد اللہ گنجی کی ٹوئٹ میں مزید لکھا گیا کہ ’اسرائیل سے جنگ کے دوران تہران کی سڑکوں پر کاغذ کے چند ٹکڑے ملے تھے جن میں یہودی علامتوں والے تعویذ موجود تھے، غزہ جنگ کے پہلے سال میں نیتن یاہو کی جادوئی ماہرین سے ملاقات سے متعلق بھی خبریں لیک ہوئی تھیں‘۔عبد اللہ گنجی کی ٹوئٹ پر موساد فارسی نامی آفیشل اکاؤنٹ سے ردعمل کا اظہار کرتے ہوئے ٹوئٹ کی گئی کہ’ منشیات کا استعمال اور جنوں سے گفتگو کسی ملک کے سرابراہ کیلئے مناسب نہیں ہے‘۔بعد ازاں اقوام متحدہ میں اسرائیلی عہدیدار ولید گدبان نے موساد کی پوسٹ کو ری شیئر کرتے ہوئے ٹوئٹ کی ’ جن، بھوت تو ہر جگہ موجود ہیں‘ ۔