انٹرنیشنل ڈیسک (نیشنل ٹائمز)یورپ کی انسانی حقوق کی تنظیم نے غزہ میں نسل کشی میں معاونت کے الزام میں امریکی صدر ڈونلڈ ٹرمپ کے خلاف فوجداری مقدمہ چلانے کا مطالبہ کر دیا۔یورو میڈیٹیرین ہیومن رائٹس مانیٹر (Euro-Mediterranean Human Rights Monitor) نے یہ مطالبہ امداد کی تقسیم کے دوران درجنوں فلسطینیوں کی اموات کے بعد کیا۔مانیٹرنگ گروپ کا کہنا ہے کہ بین الاقوامی ادارے ٹرمپ کو غزہ میں امریکی حمایت یافتہ امدادی تنظیم کی حمایت پر جوابدہ ٹھہرائیں۔مانیٹرنگ گروپ نے یہ بھی کہا کہ امریکی نجی سکیورٹی کنٹریکٹر اسرائیلی فوجیوں کے ساتھ امداد حاصل کرنے والے فلسطینیوں پر حملوں میں ملوث رہے ہیں، ٹرمپ انتظامیہ نے غزہ میں اسرائیلی جنگ کے لیے فوجی، مالی، سیاسی، اور سفارتی مدد بھی فراہم کی۔مانیٹرنگ گروپ نے مزید کہا کہ کہ غزہ میں امداد کی تقسیم کے دوران 2 ماہ میں 800 سے زیادہ فلسطینی شہید ہو چکے ہیں، غزہ میں نسل کشی میں معاونت پر امریکی صدر ڈونلڈ ٹرمپ کے خلاف فوجداری مقدمہ چلایا جائے۔