شیامین (شِنہوا) 17ویں آبنائے فورم کی مرکزی کانفرنس چین کے مشرقی صوبے فوجیان کے ساحلی شہر شیامن میں منعقد ہوئی جس نے اس کے لائحہ عمل کے تحت تقریبات کے سلسلے کا آغاز کیا۔
عوامی تبادلوں کو وسعت دینے اور مربوط ترقی کو مستحکم کرنے کے موضوع کے تحت فورم میں 56 تبا دلوں کی سرگرمیاں شامل ہیں جن میں بنیادی سطح، نوجوانوں، ثقافتی اور اقتصادی تبادلے کااحاطہ شامل ہے ، تقریبات میں تائیوان کے مختلف شعبہ ہائے زندگی کے 7 ہزار سے زیادہ افراد شرکت کر رہے ہیں۔
کمیونسٹ پارٹی آف چائنہ کی مرکزی کمیٹی کے سیاسی بیورو کی قائمہ کمیٹی کے رکن اور چینی عوامی سیاسی مشاورتی کانفرنس کی قومی کمیٹی کے چیئرمین وانگ ہوننگ مرکزی کانفرنس میں شریک ہوئے اور آبنائے تائیوان میں امن کے تحفظ اور قومی وحدت کو فروغ دینے کے لئے مشترکہ کوششوں کی اہمیت پر زور دیا۔
وانگ نے نشاندہی کی کہ اس سال جاپانی جارحیت کے خلاف چینی عوام کی مزاحمتی جنگ اور عالمی فسطائیت مخالف جنگ میں فتح کی 80ویں سالگرہ ہے، نیز تائیوان کی واپسی بھی جو کہ آبنائے کے دونوں کناروں پر موجود عوام کی ایک مشترکہ قومی یاد ہے۔
انہوں نے زور دیا کہ اس فتح کے ثمرات کو محفوظ رکھنا لازم ہے۔
انہوں نے کہا کہ آبنائے تائیوان کے دونوں اطراف ایک چین ہے، انہوں نے ایک چین کے اصول اور 1992 کے اتفاق رائے کو برقرار رکھنے کی اہمیت پر زور دیا۔
انہوں نے “تائیوان کی آزادی” کی علیحدگی پسند سرگرمیوں اور بیرونی مداخلت کی سختی سے مخالفت کرنے پر زور دیا تاکہ مشترکہ طور پر آبنائے کے امن اور استحکام کی حفاظت کی جا سکے۔
وانگ نے اس بات پر بھی زور دیا کہ مین لینڈ ہمیشہ تائیوان کے ہم وطنوں کے لئے مضبوط حمایت فراہم کرے گی اور دونوں اطراف کی مربوط ترقی کو مزید مستحکم کرنے کے لئے پرعزم ہے تاکہ تائیوان کے ہم وطنوں کو زیادہ خوشحالی، مسرت اور وابستگی کا احساس ملے۔
مرکزی کانفرنس سے قبل وانگ ہوننگ نے فورم میں شرکت کے لئے تائیوان سے آئے مہمانوں سے ملاقات کی۔
چینی کومن تانگ پارٹی کے سابق چیئرمین ما ینگ جیو نے بھی مرکزی کانفرنس میں شرکت کی اور کہا کہ آبنائے کے دونوں اطراف تعلقات کی پرامن ترقی دونوں اطراف کے لوگوں کی مشترکہ خواہش ہے۔