اسلام آباد(نیشنل ٹائمز)تفصیلات کے مطاق ایران کے اسرائیل پر حملوں سے صہیونی افواج پر لرزہ طاری ہو چکا ہے، عوام بھی خوف و ہراس کے شکار ہیں، جب کہ اسرائیلی فوج کے ترجمان کے بات کرتے ہوئے اوسان ہی خطا دکھائی دیے۔ویڈیو پیغام ریکارڈ کراتے ہوئے اسرائیلی فوجی ترجمان کو اپنے کانپتے ہاتھ چھپانے کی کوشش کرتے دیکھا جا سکتا ہے۔دوسری جانب خوف و ہراس کے شکار صہیونی عوام محفوظ پناگاہوں اور بنکرز میں پہلے داخل ہونے کے لیے آپس میں دھینگا مشتی کرنے لگے، دونوں ویڈیو سوشل میڈیا پر تیزی سے وائرل ہو رہی ہیں اور اب تک لاکھوں افراد ویڈیو دیکھ چکے ہیں۔واضح رہے کہ اسرائیل پر ایران کے حملوں کا خوف پوری طرح طاری ہو چکا ہے، امریکا نے اسرائیل کے زمینی فضائی دفاعی نظام کو بہتر بنانے کے لیے پیٹریاٹ اور ٹرمینل ایئر ڈیفنس سسٹم کو اسرائیل میں مختلف مقامات پر نصب کر دیا ہے۔امریکا مختلف مقامات سے دیگر فوجی وسائل بھی مشرق وسطیٰ منتقل کر رہا ہے، برطانیہ نے بھی مشرق وسطیٰ میں کشیدہ صورت حال کے پیش نظر جنگی طیارے بھیجنے اور مزید فوجی نفری تعینات کرنے کا اعلان کیا ہے۔