اسلام آباد(نیشنل ٹائمز)پولیس حکام کا کہنا ہے کہ گزشتہ دنوں زلزلے کے جھٹکوں کے دوران ملیر جیل سے فرار ہونے والے مزید 3 قیدیوں کو پکڑ لیا گیا۔ پولیس کے مطابق ملیر جیل سے مجموعی طور پر 225 قیدی فرار ہوئے تھے جن میں سے اب تک 152 قیدی پکڑےجاچکے جب کہ73 مفرورقیدیوں کی تلاش جاری ہے۔ پولیس حکام کے مطابق فرار قیدیوں کے گھروں پر بھی چھاپے مارےجارہے ہیں۔ واضح رہے کہ چند روز قبل کراچی کے علاقے ملیر میں آنے والے زلزلے کے باعث متعدد قیدی جیل سے فرار ہوگئے تھے۔