جکارتہ(نیشنل ٹائمز)انڈونیشیا کی حکومت ملک میں نوول کروناوائرس کیسز کی دوسری لہر سے نمٹنے کے لئے طبی آکسیجن کے سلنڈرز درآمد کرنے اور آکسیجن کی 90فیصد پیداوار طبی ضروریات کیلئے مختص کرنے کی منصوبہ بندی کررہی ہے۔ملک کے وزیرصحت بودی گونادی صادقین نے کہاہے کہ وزارت ہسپتالوں میں اضافی ہنگامی کمروں کی ضروریات پوری کرنے کیلئے 6 کیوبک میٹرز اور1کیوبک میٹرکی پیمائش والے آکسیجن سلنڈرزدرآمد کرنے کی منصوبہ بندی کررہی ہے۔صادقین کے مطابق انڈونیشیا کی حکومت نے نوول کروناوائرس کے کیسزمیں اضافہ کے دوران آکسیجن کی 90فیصد پیداوار طبی ضروریات کیلئے مختص کرنے کی منصوبہ بندی کی ہے۔اطلاعات کے مطابق جزیرے کے ہسپتالوں میں آکسیجن کی قلت کا سامنا ہے۔وزارت کے اعدادوشمارکے مطابق نوول کروناوائرس کے مریضوں کیلئے انتہائی نگہداشت اور الگ تھلگ وارڈز میں فی الحال روزانہ کل1ہزار928ٹن آکسیجن کی ضرورت ہے۔جنوب مشرقی ایشیائی ملک میں نوول کروناوائرس کے روزانہ کیسزکی تعداد30ہزارسے زیادہ ہوگئی ہے۔ملک کی وزارت صحت نے منگل کے روز31ہزار189نئے کیسزرپورٹ کئے۔