اسلام آباد(نیشنل ٹائمز) ایس ایس پی ملیر کے مطابق قائدآباد میں پولیس کیمپ پر کریکر حملہ کیا گیا یے جس میں راہ گیر سمیت پولیس اہلکار زخمی ہیں۔پولیس نے بتایا ہے کہ ملزمان نے قائدآباد پل کے اوپر سے کریکر پھینکا، حملے میں 3 پولیس اہلکار اور ایک راہ گیر زخمی ہوا، تمام زخمیوں کو اسپتال منتقل کیا جا رہا ہے۔ایس ایس پی ملیر کے مطابق جائے وقوعہ سیل کرکے تحقیقات شروع کردی گئی ہیں۔دوسری جانب گورنر سندھ کامران ٹیسوری نے ایس ایس پی ملیر سے رابطہ کرکے واقعہ کی مکمل تحقیقات اور ملزمان کی گرفتاری کی ہدایت کی۔گورنر سندھ نے کہا کہ کراچی میں امن و امان یقینی بنانے کے لیے ہر ممکن اقدامات کیے جائیں ۔اس کے علاوہ وزیر داخلہ سندھ نے بھی واقعہ کی رپورٹ طلب کرلی اور ملزمان کی گرفتاری یقینی بنانے کی ہدایت کی۔