اسلام آباد(نیشنل ٹائمز)جسٹس محسن اختر کیانی کی سربراہی میں اسپیشل بینچ لاپتا افراد کے کیسز کی سماعت کر رہا تھا جس میں جسٹس ارباب محمد طاہر اور جسٹس طارق جہانگیری بھی شامل تھے۔تاہم اب جسٹس ارباب محمد طاہر نے بینچ میں بیٹھنے سے معذرت کر لی ہے جس سے اسپیشل بینچ تحلیل ہو گیا ہے۔ اس حوالے سے بینچ کے سربراہ جسٹس محسن اختر کیانی نے بتایا کہ جسٹس ارباب محمد طاہر بینچ سے الگ ہو گئے ہیں، بینچ کی تشکیل نو کیلئے فائل قائم مقام چیف جسٹس اسلام آباد ہائیکورٹ کو بھجوا دی ہے۔